Alu Like Pū ʻo FLUX Hawaii lāua ʻo Google e Hoʻomāʻikeʻike Ai i ka Haʻi Moʻolelo ʻŌlelo Hawaiʻi

Ua ʻimi a hai ʻia e NMG Network ka luna hoʻoponopono mua loa nāna e hoʻokele nei ka ʻoihana pāpaho o ka wā ʻānō e hoʻoulu ai i maʻiʻo ʻōlelo Hawaiʻi.

Click to read the full press release in English.

 

HONOLULU –– Ma kekahi papahana hou e alu like ʻia nei me Google News Lab, ua hoʻolele ʻia aʻe nei e ko NMG Network FLUX Hawaii he kōlamu i hoʻokaʻawale ʻia no ka haʻi moʻolelo ʻana ma ka ʻōlelo Hawaiʻi, me ka hoʻokuleana ʻia ʻana mai hoʻi he luna hoʻoponopono maka mua nāna e lawelawe nei kēia ʻoihana ʻo ka pāpaho o ka wā ʻānō e hoʻoulu ai i maʻiʻo ʻōlelo Hawaiʻi.

E nānā nui ʻia ma loko o ko FLUX Hawaii kōlamu ʻōlelo Hawaiʻi hou nā mea no ka pāheona a moʻomeheu hoʻi ʻakahi o ka hana ʻia ʻana, me ke kākau ʻia ma ka ʻōlelo Hawaiʻi. 

ʻO ke keʻena hoʻolaha pāpaho e kū nei ma Honolulu, ua paʻi mua nō ia he mau moʻolelo ma loko o ia ʻōlelo, ma ke kākoʻo ʻana mai naʻe o Google News Lab, ke hoʻoikaika aʻe nei ʻo FLUX Hawaii ma ia ʻano no ka hoʻomana a hāpai ʻana i ka moʻomeheu Hawaiʻi.

ʻO Google News Lab, he ʻahahui ia o loko o Google News Initiative, nona ka mākia ʻo ke alu like ʻana me nā mea hoʻolaha nūhou a hoʻoulu pāʻoihana no ka hoʻolaha nūhou ʻana me ke akamai noʻeau o ka hana ʻana.

Ma ia alu like ʻana, ua hoʻokuleana ʻia ʻo N. Haʻalilio Solomon, he kumu aʻo ma ke Kulanui o Hawaiʻi ma Mānoa ma ka Hālau ʻŌlelo Hawaiʻi ʻo Kawaihuelani a he māhele ʻōlelo no Awaiaulu me Hoʻopulapula, ʻo ia nō ka luna hoʻoponopono ʻōlelo Hawaiʻi maka mua e lawelawe aʻe nei i kēia ʻoihana he makakina kū i ka wā ʻānō.

E hana pū ana ʻo Solomon me nā mea kākau ʻōiwi a kūloko i maʻa i ka ʻōlelo Hawaiʻi, pēlā pū me nā mea kākau moʻolelo a ʻahahui hoʻi, nā mea paʻi kiʻi koko maoli, a me ko FLUX kōmike haku noʻeau no ka ʻimi nōelo ʻana i mau kumumanaʻo e pili mai ana no ke kaiāulu Hawaiʻi e pili aku nei i ke anaina i akamai ma ka ʻaoʻao kikohoʻe o kēia au, a no lākou hoʻi, no Hawaiʻi ka manaʻo mua ʻana. 

Na ia kōmike FLUX e hoʻokohu he mau moʻolelo ma ka ʻōlelo Hawaiʻi i puaʻi mua, hōʻike mua, a hoʻoponopono mua ʻia mai ai hoʻi, ma hope ka unuhi ʻia ʻana ma ka ʻōlelo Pelekane. ʻO ka pahuhopu nui, ʻo ke kūkulu ʻia ʻana he imikuamoʻo hoʻolaha meahou, a lilo ia i mea hoʻokahuli ʻia ai ko Hawaiʻi ʻoihana pāpaho ma muli o ke kau pono ʻana me ke kākoʻo hoʻi ka poʻe ʻōlelo Hawaiʻi nāna e hoʻolaha mai i kā lākou mau moʻolelo ma ko lākou ʻōlelo kupuna.

“He haʻi moʻolelo kēia ma ka ʻōlelo Hawaiʻi, mai kinohi mua loa mai ka puaʻi manaʻo ʻana a hiki i ke paʻi ʻana,” wahi a Solomon. “Nuʻanuʻa kuʻu mahalo a me ka hauʻoli ua waele ʻia kēia ala e FLUX Hawaii e ola ai ka ʻōlelo ma ia māhele, a ke halihali maila nā mea kākau iā ia i laila. Ma loko o ke aukahi hoʻōla ʻōlelo Hawaiʻi, ua komo iho nei kēia māhele hana, ʻo ka hoʻokuluma hoʻi, i māhele nui loa o ke koʻikoʻi, a no laila, ʻo ka wā kūpono loa kēia na FLUX Hawaii e hoʻokō ai i kēia papahana i kēia manawa, ʻoiai ʻaʻole e ʻole ka waiwai o ka ʻōlelo ma kona ʻāina ke ʻike pono aku i ka waiho o ia ʻāina. “ 

ʻO FLUX Hawaii, hoʻokahi nō ia o nā inoa kuni he ʻeono ma lalo o NMG — Banyan, Elevate, Living, Palm, Waves, and Lei — ʻo ia mau inoa kuni hoʻi ke pili aku nei me nā anaina heluhelu ma o ka haʻi moʻolelo ʻana i paʻi a hāpai ʻia ma nā kōwā he wikiō, kikohoʻe, a he paʻi maoli hoʻi, a me nā nūleka uila e laha aʻe nei hoʻi kona kaulana.

I loko naʻe o ka maʻi ahulau, ke pau nei ka makahiki 2021 iā FLUX Hawaii me ka piʻi nui ʻana o ke kipa ʻia aku o kona pūnaewele ma FluxHawaii.com e nā kānaka, ma ka 273% ma luna o ko ka makahiki 2020.

“ʻAʻole i kana mai ka hoihoi o ko FLUX kōmike haku noʻeau i ka hoʻoholomua ʻana i kēia papahana kū i ke aloha,” wahi a Marc Graser i ʻōlelo ai, ʻo ia ka Hope Pelekikena o ke Global Content ma NMG Network. “ʻO Hawaiʻi ko kākou ʻāina e noho nei, a ʻo ke kuhikuhi ʻana i nā wahi e kōkua ai i ka hoʻokoe ʻana i nā loina Hawaiʻi, pēlā pū me ka ʻōlelo, he mea nui ia iā mākou. Ke huli nei ke alo i mua, kahi e ʻike ʻia ai kēia mau moʻolelo no nā makahiki he nui, ke mahalo nei hoʻi iā Google News Lab i ke kākoʻo maoli ʻana mai i ka hoʻolaha meahou kūloko.”

About FLUX Hawaii

FLUX Hawaii is the definitive title for the intelligent reader who has Hawai‘i at top of mind. Cherished for its honest storytelling, timeless design, and insightful photography, this triannual digital, social and print publication informs discerning readers about where to go, what to see, and how to respond to a world in flux. For those intent to live well and live right, FLUX Hawaii offers a curated look at island arts, culture, style, travel, design, and innovation.

About NMG Network

NMG Network is the leading creator of custom media experiences for luxury and leisure travel, hospitality, and premium residential partners. Our highly targeted omnichannel approach to storytelling provides a unique opportunity to connect with the most sophisticated and sought after consumers where they prefer to engage with content that informs, inspires and entertains. In addition to its award-winning video, print and digital channels created for clients including Marriott Residences, The Little Nell, Shutters on the Beach, Hotel Casa del Mar, Halekulani Hotel, Park Lane Ala Moana, ‘Alohilani Resort, Ko Olina Resort, International Market Place and Marriott Resorts Hawaii, NMG operates consumer facing brands Lei, for the LGBTQ+ traveler; FLUX Hawaii, representing the current of Hawai’i; and Shore TV Hawaii, the most widely distributed network devoted to travel in Hawaii. View more at NMGnetwork.com.

Contacts:

NMG Network
Marc Graser
VP, Global Content
[email protected]

NMG Network
Matthew Dekneef
Editor-at-Large
[email protected]

 

###